السلام عليكم 
الحمد لله رب العالمين, 17/8/2011 عيد ميلادي الـ 22 ودي خامس مرة احتفل بعيد ميلادي online قبل كدة كان لاربع سنين علي المدونة القديمة و السنة اللي فاتت كنت اتمنيت امنية واحدة وانا باطفي الشمع و الحمد لله ربنا حققهالي و السنة دي برضو اخترت امنية واحدة و ربنا يقدم لي الخير اذا كان فيها وبرضو مش هقول اية هي 
و دي ثاني مرة احتفل بعيد ميلادي في رمضان المفروض احط الشمعة في الكنافة و اجيب22 قطعة قطايف 
فعلا كل سنة احساس مختلف بس من السنة الفائتة للحالية انا سعيد بما تم فيها, طبعا في حجات كتير كنت اتمني انها تكون احسن من كدة لكن الحمد لله و كنت مشغول شويا الفترة اللي فاتت زاي ما وضحت في التدوينة السابقة رمضان الثورة و كمان كنت شغال علي موقع صغير iplus.im لانشاء رابط مختصر للملف الشخصي علي جوجل+, وكمان موقع صوت العزاب3ozzab.com مع مجموعة من العزاب اصحابي.
ومن الحجات اللي كنت سعيد بيها جدا اليومين اللي فاتوا كان افطار الكات و نظم في المنصورة و مقابلة الشباب هناك كان يوم سعيد جدا و كنت سعيد اكتر بـ تيشرت “كاتاوي و افتخر”
دالوقتي بجهز كالعادة قائمة باشياء اريد تحقيقها في العام القادم ان شاء الله و اكبر امنية عندي ان ربنا ينعم علينا بالسعادة كـ طريق و الجنة في نهايتة وغالبا كمان كام يوم هيكون في تدوينتين جمدين انتظرونا و دالوقتي اسيبكم مع الاغنية دي اهداء خاص لي
happy birthday bro and never say never