تجربتي مع موزع خدمة الانترنت لشركة تي اي داتا

السلام عليكم, حابب اتكلم عن تجربة مريرة مريت بيها مع احد موزعي خدمة الانترنت لشركة تي اي داتا

منذ اكثر من شهر و كالعادة كل شهر اتوجة لفرع تي اي داتا عشان اجدد الاشتراك لكن انا اتاخرت في ايام الدفع و دخلت في فترة الـ6 ايام سماح و اوشكوا علي الانتهاء و انا لا اريد قطع الخدمة, قبل انتهاء تلك الفترة بيوم وانا ماشي في الشارع وجت مركز صغير علي شارع ابوقير لتي اي داتا و كنا خارج ساعات العمل حوالي ال9 مساء, دخلت استفسرت هل ممكن ادفع الاشتراك هنا دالوقتي الموظف الموجود اكيد ان نعم و المبلغ بيتم توريدة لـ تي اي داتا و كمان الخدمة لو منقطعة بترجع في خلال ساعتين نفس الكلام بتاع الفرع الرئيسي لتي اي داتا

كنت سعيد ان المركز دة فاتح بالتحديد ليلا لان كانت بتواجهني مشكلة ان انا لازم اسيب الشغل عشان اروح اجدد الاشتراك كل مرة, كان النقطة الوحيدة المختلفة ان مطلوب صورة البطاقة ولما استفسرت قالي ان بسبب انهم موزع مش فرع رئيسي و ان دي اول مرة ادفع من خلالهم قلت اوك مفيش مشاكل, لكن اللي تبين لي بعد كدة ان دة كان تعاقد معاهم وان انا من وقتها مبقتش تبع تي اي داتا بل تبع الموزع دة نفسة -مع العلم لم يتم توضيح النقطة دي نهائيا- وكمان لتجديد الاشتراك لا يمكن ان ادفع في الفرع القريب من بيتي علما ان الموزع ابعد عن بيتي!!

وضحت لي المشكلة خلال استعلامي من الكول سنتر عن مشكلة في السرعة ان انا تبع الموزع و كل النقاط اللي قلتها, صراحة الفارق ليش بكبير لكن كانت الميزة الوحيدة في الموزعه من ناحيتي ان ساعات العمل لديهم ممتدة للمساء, لكن ابعد و محظور علي الدفع سوا في هذا الفرع و ما جاء بعدها اوضح لي مجموعة من العيوب اخري, توجهت للموزع لفصل الخدمة وكانت هناك موظفة اخبرني ان يمكنني في الشهر القادم ان ادفع في مركز دي اي داتا عادي ولن يكون هناك مشاكل و ان انتقالي الفعلي لهم سيكون اذا دفعت الشهر الثاني من خلالهم , حسنا اذا ننتظر و نرا, ولكن هذا الشهر ايضا تاخرت في دفع الاشتراك حتي دخلت في ايام السماح ثم توجهت لمركز تي اي داتا للدفع اخبرني ان يجب ان ادفع لدي الموزع !!

توجهت للموزع بهدف الاستفسار عما يحدث و محاولا السيطرة علي الاحساس بالخداع و كانت هناك نفس الموظفة تخبرني ان كان يجب علي الدفع قبل الدخول في فترة السماح اخبرتها ان هذا لم يصلني في المرة الاولي حاولت هي التهرب من الكلام لكن في النهاية توجب علي دفع 20 جنية تكلفة الـ6 ايام سماح و انها ستنتظر المدير ليرسل للفرع email ليخبرهم اني اود فصل الخدمة !! و نتيجة لذلك اضطررت ان ظل بدون انتصال بالنترنت يومين حتي تم الامر و توجهت لاقوم بالدفع في تي اي داتا وحمدا لله عاد الاتصال بالنترنت اخيرا

الملاحظ ان في الموزع

  1. لم يكن هناك توضيح في البداية لنقطة التعاقد
  2. لم يكن هناك توضيع لمعلومات الفصل
  3. لا توجد سرعة تي اي داتا في التعامل حتي في ارسال بريد الكتروني لفصل الخدمة

في النهاية احب اوضح ان تي اي داتا انفسهم لم يقصروا لكن كانت تجربة سلبية في التعامل مع الموزع اتمني ان حد ممكن يستفيد منها

Comments button Twitter button Facebook button LinkedIn button Google+ button

One thought on “تجربتي مع موزع خدمة الانترنت لشركة تي اي داتا”

Leave a Reply

Your email address will not be published. Required fields are marked *

Time limit is exhausted. Please reload the CAPTCHA.